Leti leti leti

Eigum við eitthvað að ræða letina í mér þessa dagana. Úff, er svo andlaus að það er hrikalegt.
Yngsti ormurinn búinn að vera svo veikur en ég náði þó að prjóna 2 húfur á meðan á þeim stóð, saumavélin var í láni þannig að prjónarnir voru bara teknir upp.

Hér er sú fyrri, alveg frábær uppskrift sem hentar mér fullkomlega því hún er mjög einföld og þægileg. Hér er hún
Var ekki búin að fela enda og setja bönd í húfuna þarna.


Er ekki búin að klára hina húfuna alveg, eftir að fela enda, búa til dúska og setja á hana. Hún er meira tilraunaverkefni en nokkuð annað því hún er munstruð og ég hef aldrei prjónað neitt munstrað, tókst bara nokkuð vel hjá mér. Skelli inn mynd við tækifæri.

Nýtt verkefni og ný efni

Er byrjuð á nýju verkefni, það er ekki stórt eða flókið en verður örugglega tímafrekt því það er dálítið af "dútli" í því. Hér er byrjunin:


Þetta á að verða nafnaborði handa Arnari Búa, þetta fyrsta er bara prufa svona til að sjá hvort einhverju þarf að breyta en ég held að þetta sé bara alveg ágætt.

Skellti mér líka í IKEA um helgina, keypti smá efni þar einsog venjulega. Keypti enn meira úr Fredrika línunni, alveg uppáhalds línan mína, skellti mér svo á blá/græn röndótt efni úr Barnslig línunni. Gaman að sjá hvað verður úr þessu.

Letihaugur

Hef lítið bloggað undanfarið enda lánaði ég mömmu saumavélina mína þannig að það var ekki frá miklu að segja.
Kláraði ofurfagran appelsínugulan Mei Tai áður en saumavélin fór í lán, hrikalega ánægð með hvernig til tókst og mun halda áfram að sauma þessa.
Hér er hann:

Hér eru báðir þeir sem ég hef saumað:


Er undanfarið búin að vera í því að sauma allskonar lítil stykki t.d. skrímsli, púða og annað dót. Er alltaf að verða betri í þessu og öruggari, farin að þora að prufa mig áfram og líka gera alveg sjálf. Hefði ekki trúað því að ég myndi vera teiknandi upp snið og saumandi eitthvað sem ÉG á allan heiður af. Bara gaman.
Hér er eitthvað af því sem ég er búin að gera undanfarið.

Ný efni :)

Ákvað að kíkja í IKEA, ætlaði bara aðeins að skoða og ekki kaupa neitt, einmitt.

Langaði að kaupa í nýjan Mei Tai, endaði á að kaupa ljósbrúnt efni í bönd og líka appelsínugult, keypti svo blátt/appelsínugult efni í skraut og flísteppi til að bólstra böndin. Er komin með efni í nokkur stykki þannig að maður veðrur búinn að koma sér upp ágæti safni á endanum.
Er að fatta að ég hefði þurft að kaupa meira grænt til að klára einn sem ég er byrjuð á ;)

Hér eru innkaup dagsins:

Strau strau

Mér finnst ekki gaman að strauja (hm, eða er það straua??) því mér tekst aldrei að ná efninu alveg sléttu, ferlega pirrandi. Núna bíður mín vænn bunki af krumpuðu bláu efni, liggur á straubrettinu en ég bara nenni ekki að byrja á þessu. Þarf samt að klára það af því mig langar að byrja að klippa niður, það er alltaf gaman.

Byrjuð að klippa í nýtt verkefni

Gat ekki haldið aftur af mér og byrjaði að klippa niður í nýjan Mei Tai í gær (mei tai er barnaburðarpoki). Náði að gera í búkinn en á ekki nóg af grænu efni til að gera böndin. Veit ekki alveg hvernig ég enda á að hafa böndin því ég held að ef þau verða græn þá verði þessi alltof líkur þeim sem ég er búinn að gera nú þegar, verður að hafa smá fjölbreytni í þessu. Fann uppskrift og frábærar leiðbeiningar hér

Hér er sá sem ég er búinn að gera eftir leiðbeiningunum. Hettan niðri, er að spá í að prufa mig áfram núna og gera eitthvað skemmtilegt við hettuna. Er með ýmsar hugmyndir og verður gaman að sjá hvernig þetta endar.
Hettan uppi.
Varð að skella þessu meistaraverki hér inn. Ótrúlega sætt og fáránlega auðvelt, bara servíetta á striga. Gerði þetta fyrir nokkrum árum handa miðstráknum, hef alltaf ætlað að gera meira af þessu og mun eflaust gera eitthvað fyrir yngsta herrann.

Barnaefni.

Af einhverjum ástæðum enda ég ansi oft á því að kaupa barnaefni. Kannski því ég á börn eða jafnvel því ég er bara stór krakki sjálf.
Á myndinni má sjá nýjustu kaupin nýþvegin og krumpuð úti á snúru.

Handavinnublogg

Ég sauma, ég tek myndir, ég blogga.

Ákvað því að setja upp blog þar sem ég get sett inn myndir af saumaskapnum og annarri handavinnu.